【車禍】
嘭！
一聲巨響，只見隔鄰的6歲小朋友小b，倒在馬路旁，左右鄰居馬上衝出來，看個究竟。
「什麼事？我見到有架車剛剛開走，係咪車主撞到佢？而家點好呀，叫救護車啦，快啲救人啦！」一位衝出來的鄰居說。
「一定係C座班飛仔啦！佢地成日飛車唔睇人㗎，快啲救個小朋友啦。」
這時，孩子的父母走了出來。聽了鄰居說，母親便破口大罵：「點會係C座班人撞小b呢？佢地平日都會買啲生果送黎比我地，點會咁做？況且，佢地如果要撞呀小b，佢地技術咁高，一定會開好快，仲會比你地睇到咩？」
這時父親也加把口說：「係囉。一定係小b偷偷地出黎。呀！係喇係喇，一定係佢過去C座到，偷啲女仔嘅底褲。一定係。所以，出黎嘅時候，咁啱比車撞到啦。唉，咁講，就算真係比C座班人撞，都應該囉！」
有這樣的父親母親，鄰里也看不過眼。本來想和他們理論，不過，還是救人要緊，先去救小b。有位婦女拿出手提電話，準備打999求救。
怎料，小b的爸，搶去電話阻止她。「喂，你做咩？你又知佢有事？佢真係有事，佢自己會報警求救啦。佢自己都唔打電話，使你幫佢打？」
「先生，佢暈左，點打呀？而家小b先係你個仔喎。你唔著緊救佢不特止，仲要係到拖，係到關心C座班人，不停幫C座班人講說話？你有無人性㗎？」婦人反駁說。
「呢啲係我地家事，唔到你地呢啲外人理。你地全部走，唔關你地事！」母親說。
在他們拖拖拉拉下，15分鐘，婦人才成功報警。
結果，小b延救，成為了植物人。而到底是誰撞到小b呢？從來無法證實。
Search